• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur
  • EB/Streymur/Skála
  • ÍF/Víkingur/B68

Um FaroeSoccer


Hjartaliga vælkomin
Vit fegnast um, at tú ert komin á gátt hjá okkum: heimasíðan við størsta dátugrunninum um føroyskan fótbólt.

Sum navnið ber boð um, so er hetta ein heimasíða um føroyskan fótbólt burturav við serligum denti løgdum á hagtalsskráseting, og soleiðis ætla vit eisini, at tað skal vera framyvir – men vit hava eyðvita nógvar spennandi ætlanir við FaroeSoccer.

Vit vóna og vænta, at FaroeSoccer fer at vera ein hjálp og ein miðstøð fyri álítandi hagtøl hjá øllum við áhuga fyri føroyskum fótbólti – ikki minst feløgunum, Fótbóltssambandinum, fjølmiðlunum og okkum fjepparum! Tað er eitt av høvuðsendamálunum við FaroeSoccer.

Enska heitið FaroeSoccer er valt, tí tað sigur frá virksemi okkara, og tí vit vilja fevna breitt. Útlandið hevur størri áhuga fyri føroyskum fótbólti, enn vit kanska ganga og halda, og tískil er ein ensk útgáva í umbúna. FaroeSoccer vil fegið kunna breitt um føroyskan fótbólt og kennir hetta eisini sum eina hálvgum skyldu.

Grundarlagið undir dátugrunninum hjá FaroeSoccer er í mestan mun dómaraseðlarnir, sum eru til skjals hjá Fótbóltssambandinum, men nógvar aðrar keldur eru eisini troyttar.

FaroeSoccer hevur alla tíðina havt gott samstarv við feløgini, Fótbóltssambandið, fjølmiðlarnar og einstaklingar, og hetta takka vit fyri og vóna, at soleiðis fer eisini at verða framyvir - okkara partur skal so ikki liggja eftir.

Vit vóna, at tú fert at fáa nakað burturúr hesi vitjan tínari – og øllum teimum komandi – takk fyri hesa ferð og kom skjótt aftur!

Við bestu fótbóltskvøðum

FaroeSoccer
Vit spæla saman

Vit spæla saman