• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur

Eiði - Mølin


Staðarnavn: á Mølini
Heimavøllur hjá: EB og EB/Streymi
Byggiár: 1913 (núverandi stødd 1967)
Stødd: 100 x 64 m
Graslíki fyrstu ferð: 1996
Graslíki seinastu ferð: ongantíð skift
Veitari: Idé Møblar/DOMO Sports Grass www.domosportsgrass.com
Slag av graslíki: DOMO
Sitipláss: 0
Góðkendur: Nei - síðani 2007
Eigari: Eiðis kommuna
Søga/viðmerkingar:
Tá EB og Streymur byrjaðu at samstarva um EB/Streym, var heimavøllurin fyrstu árini fyri tað mesta á Eiði, men í 2007 gjørdist heimavøllurin í Streymnesi burturav.
Vøllurin á Eiði er kolldømdur sum leikvøllur, og kommunan hevur ætlanir um ein nýggjan vøll á øðrum staði í bygdini.

Vagnur Michelssen (www.hvannrok.fo og Suni Merkistein):

Í 1913 kemur fyrsta fótbóltsfelag í Eysturoynni í ljósmála. 24. februar hetta árið verður á fundi á Eiði samtykt at stovna eitt fótbóltsfelag. Navnið á felagnum var “Eide Fodboldklub”, seinni broytt til Eiðis Bóltfelag – stytt EB. Undirtøkan var stór, tí limirnir vóru alt fyri eitt einir fjøruti í tali. Felagið setti sær beinanvegin fyri at fáa til vega hóskandi øki at gera fótbóltsvøll á. Felagið leigaði sær eitt hagastykki á Mølini fyri seks krónur um árið.

At gera vøll har var stórarbeiði og mátti takast í stigum. Mesta arbeiðið var at bróta klettar burtur. Bæði peningur og arbeiðsmegi kravdist at gera vøllin. Limagjaldið var í 1914 sett til tríggjar krónur um árið fyri virknar, og eina krónu fyri óvirknar limir. Sama árið gav fútin felagnum loyvi at luta ein bát burtur. Hvørjum virknum limi varð til felagsins frama álagt at arbeiða upp á vøllin tíggju dagar um árið í nakrar vetrar.

Í 1916 vildu fuglfirðingar sleppa til Eiðis at spæla. Teimum varð svarað, at teir vóru vælkominir, men at vøllurin var ikki í góðum standi. Tá mundi hann ikki vera meira enn einar 35 favnar langur og einar 17 favnar breiður.

Fuglfirðingar komu norður, men partarnir samdust um at spæla við níggju monnum á hvørjum liði. Sum árini gingu, varð vøllurin longdur og breiðkaður, men sum hjá nógvum feløgum hevði EB trupulleikar at fáa vøllin góðan.