• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur

SÍF


Um felagið

Fult navn:
Sandavágs Ítróttarfelag
Stovnað: 1906 (dagur ókendur)
Heimstaður: Sandavágur
Litir: Hvítar troyggjur/hvítar brøkur
Vøllur: við Kirkjar

Søga - lyklaár

1906
Stovnað. Fyrsti formaður var Peter Elias Petersen
190? Vøllurin liðugt gjørdur (les niðanfyri um søguna)
1986 Húsið við vøllin tikið í nýtslu
1989 Graslíki lagt á vøllin
1994 SÍF fer upp í samstarvið um FS Vágar
2007 SÍF fer upp í samstarvið um 07 Vestur

Í 1994 fer SÍF við í samstarvið um FS Vágar saman við MB. SÍ skuldi eisini vera við, men tað bleiv ikki til nakað fyrrenn í 1998. Síðani FS Vágar og seinni 07 Vestur varð stovnað, hevur lítil og ongin skipaður fótbóltur verið í SÍF. Vøllurin í Sandavági verður fyri tað mesta brúktur til yngru/lægru deildirnar hjá 07 Vestur.

Av heimasíðuni hjá SÍF (2019):
Sandavágs Ítróttarfelag hevur haft stóran týdning í Sandavági. Her hevur størsti parturin av ungdóminum verið limir, og her hava teir havt nógvar av sínum bestu fríløtum, antin á vøllinum ella uttan fyri vøllin.

Eitt felag, sum hevur gripið so djúpt í fólkið, hevur sjálvandi eina áhugaverda søgu.

Gerðabókin fyrstu árini, um 25 ár, annaðhvørt einki nevnir ella ger ógvuliga stutt av, og tí er ringt at skrivað nakað serligt um byrjanina.

Fyrst í 1900 fór Karl Johannesen prestur undir at læra miðvingar at spæla fótbólt á sandinum í MIðvági, og ikki vardi leingi, áðrenn smádreingirnir í Sandavági tóku undir, keyptu sær bólt og fóru at spæla. Høvuðsmenn fyri hesum vóru Thomas Georg Thomsen og Jacob Jacobsen við Ánna. Seinri komu teir vaksnu ungu dreingirnir uppí, og í 1906 varð felagið stovnað og fekk navnið Sandavágs Bóltfelag. Tann fyrsti formaðurin, ið valdur varð, var Peter Elias Petersen.

Leikvøllurin, sum vit kalla Valloyran, var tá ógvuliga illa hóskandi at leika á. Áin, sum rennur omanvið, rann mitt ígjøgnum, og teir fáu, ið stovnaðu felagið, gjørdu eitt stórt arbeiði at fáa hann nýtuligan at leika á.

Valloyran var ikki besti leikvøllurin, tí um veturin, tá spælt varð, kundi áin leypa, og legði skalvar á hana, og lá hann leingi við lágættarruski og brimi, stóð ósin langa tíð uppi á hálvari Valloyruni. Undir slíkum umstøðum varð farið á sandin at spæla. Venjingin var at byrja við eisini altíð á sandinum. Og mongu kvøldini varð leikt seint út á kvøldi.

Í 1908 spældi Sandavágs Ítróttarfelag fyrsta dystin. Spælt varð ímóti Miðvágs Bóltfelag í Miðvági. Úrslitið var stórt tap til Sandavág.

At byrja við varð bert leikt ímóti Miðvági, og Sandavágur tapti allar. Síðani vóru øll árini bert leikt í oynni ímóti Miðvági og Sørvági.

Fyrstu ferð, sandavágsmenn vóru av oynni og leiktu, var í 1932 ímóti HB í Havn. Tað var eitt samansett lið úr Vágum, sum leikti. HB vann 2-1.

Búnin var fystu mongu árini hvít troyggja og svartar buksur. Í 1939 varð sett eitt føroyskt flagg í bringuna vinstru megin og SÍF høgru megin.

Tá graslíkisvøllurin kom í 1989, fekk fótbólturin sera góðar umstøður. At sparka fystu bóltarnar í málið, varð heitt á fyrrverandi formennirnar Niels Marius Petersen, Sigurð Heinesen og J.J. Simonsen.

Búmerkið hjá SÍF teknaði ???
Finst ikki ein bók ella jubileumsrit?

Søgan hjá SÍF síðani 1998 er eisini søgan hjá FS Vágar og 07 Vestur.

Hagtøl - menn

Føroyameistari: Ongantíð
Besta úrslit:
Steypavinnari: Ongantíð
Besta úrslit:

Flest dystir í Meistaradeildini - topp 20 allar tíðir
Flest mál í Meistaradeildini - topp 20 allar tíðir