• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur

EB


Um felagið

Fult navn:
Eiðis Bóltfelag
Stovnað: 24. februar 1913
Heimstaður: Eiði
Litir: Hvítar troyggjur/svartar brøkur
Vøllur: á Mølini

Søga - lyklaár

1913
Felagið stovnað. Fyrsti formaður var Oliver Øster. Vøllurin á Mølini gjørdur
1967 Vøllurin fær full stødd
1985 1. lið (3. deild) vinnur felagnum fyrsta gullið í landskappingini
1977 EB keypir gomlu dansistovuna uppi í bygdini at brúka til felagshús.
1993 EB byrjar at samstarva við Ítróttarfelagið Streymur undir heitinum Felagsdeildin EB/Streymur
1996 Graslíkið verður lagt á vøllin. Húsið við vøllin á Mølini verður bygt.
1999 Seinasta árið lið luttaka í kapping sum bara EB

EB er óvirkið sum sjálvstøðugt felag í fótbólti frá 1999. Seinastu dystirnir á Mølini (tá sum EB/Streymur) vórðu leiktir í 2006, eftir hetta varð vøllurin kolldømdur, og felagið spældi síðani sínar dystir í Streymnesi sum partur av EB/Streymi.

Til 1998 luttóku øll mannfólkalið uttan vaksnamannaliðini undir heitinum EB. Frá 1999 itu øll lið EB/Streymur.
Til 1999 luttóku øll kvinnulið undir heitinum EB. Frá 2000 itu øll lið EB/Streymur.

Tann 13. februar 2011 verður samstarvið Felagsdeildin EB/Streymur avtikið (EB og Streymur gevast sum sjálvstøðug fótbóltsfeløg), og eitt nýtt felag verður stovnað við navninum EB/Streymur, sum fær øll fótbóltsrættindi hjá EB og Streymi.

Vøllurin á Mølini verður í 2015 endaliga avloystur av nýggja vøllinum í Hólmanum, og vøllurin á Mølini verður kampingøki.

Heiðrar hjá EB
Vinnari av 3. deild 1985
Dreingir U16: Meistarar 1992 og steypavinnarar 1974 og 1977
Gentur U14: Meistarar 1993
Gentur U10: Meistarar 1998

Søgan hjá EB síðani 1993 er í stóran mun søgan hjá EB/Streymi.

Hagtøl

Føroyameistari: Ongantíð
Besta úrslit: Luttók í Meistaradeildini í 1942 og 1943.
Steypavinnari: Ongantíð
Besta úrslit: Í hálvfinaluni í 1985.

Flest dystir í Meistaradeildini - topp 20 allar tíðir
Eingi hagtøl tøk, tí dómaraseðlarnir eru ikki til.
Flest mál í Meistaradeildini - topp 20 allar tíðir
Eingi hagtøl tøk. tí dómaraseðlarnir eru ikki til.

EB 70 ára jubileumsgrein í Dimmalætting 24. februar 1983:
http://epaper.infomedia.dk/portal/fao/search?query=eb-h%C3%BAsi%C3%B0

eidi.fo um søguna hjá EB:

Søguliga hevur ítróttur verið týðandi partur av bygdalívinum á Eiði.

Eiðis Bóltfelag (EB) varð sett á stovn 24. februar 1913 og er sostatt eldsta bóltfelag í Eysturoynni. Í fyrstuni var bara fótbóltur á skránni, og fari varð beinanveg undir at gera fótbóltsvøll niðri á Mølini. Hetta var tó lættari sagt enn gjørt, tí nógv grót skuldi brótast burtur. Tí var vøllurin fyrstu árini minni enn teir flestu, og tí var ikki óvanligt at spælt var við færri leikarum á hvørjum liði. Tað var ikki fyrr enn í september 1967, at vøllurin á Mølini varð fótbóltsvøllur í fullari stødd.

Í 1945 varð eisini farið undir at spæla hondbólt á Mølini. Tað var lærarin í bygdini Andreas Thomsen, sum var úr Gøtu, sum tók stig til hetta og undirtøkan var góð. Í 1947 varð fyrstu ferð meldað lið til landskappingina í hondbólti, og kvinnurnar av Eiði gjørdu ikki mætari enn at vinna bæði 1. og 2. deild!

Finaluna í bestu deildini vunnu tær 7-3 móti Vípuni av Sandi. Dysturin varð spældur í Gundadali í Havn og venjari var Óli Egilstrøð. Hetta er framvegis einasta føroyameistaraheitið hjá EB í vaksnamannadeildunum. Annars vunnu EB-kvinnur eisini 2. deild í 1948, 1949, 1973 og 1974 og mennirnir vunnu 2. deild 1969 og 1976.

Í 1972 varð asfalteraður hondbóltsvøllur gjørdur við skúlan á Eiði. Men um sama mundið fóru ítróttarhallir at stinga seg upp ymsastaðni í Føroyum og hondbóltur gjørdist ein innandurðaítróttur. Hetta var helst ein av orsøkunum til at EB sum frá leið fánaði burtur í hondbóltshøpi.

Í 2003 bleiv ítróttarhøll gjørd í samband við skúlan á Eiði og síðani er hondbólturin so smátt farin at blomstra aftur í bygdini.

Í 1980’unum tá kvinnufótbólturin bleiv meira skipaður í Føroyum var EB sum oftast at finna í bestu deildini, men hjá monnunum tyktist vera torført at standa seg. Í Sundalagnum var støðan nakað tann sama, og 1992 varð tí tikin avgerð um at stovna Felagsdeildina EB/Streymur til tess at styrkja fótbóltsliðini á Eiði og í Sundalagnum. Fyrstu árini var samstarvið galdandi fyri besta liðið hjá monnum, men í dag fevnur tað um allar deildir hjá báðum kynum.

Felagsliðið má sigast at hava staði seg væl og millum annað hevur besta manslið vunnið tvey meistaraheiti og fýra steypasigrar. Og í 2017 vann besta kvinnuliði eisini steypakappingina. Hetta prógvar at eitt vælskipað samstarv kann lyfta støðið og vera til stórt gagn fyri allar partar.

Í dag er Eiðis Bóltfelag hondbóltsfelag burturav.

Fótbóltsheiðrar hjá EB
Dreingir U16: Meistarar 1992 Steypavinnarar 1974 og 1977
Gentur U14: Meistarar 1993
Gentur U10: Meistarar 1998

Heiðrar hjá EB/Streymi
Menn: Meistarar 2008 og 2012 Steypavinnarar 2007, 2008, 2010 og 2011
Kvinnur: Meistarar 2017 og Steypavinnarar 2017
Dreingir U18: Meistarar 2004 Steypavinnarar 1993
Dreingir U14: Meistarar 2011
Gentur U14: Meistarar 2016 Steypavinnarar 2016
Gentur U10: Meistarar 2007