• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur

Æsir


Um felagið

Fult navn:
Bóltfelagið Æsir
Stovnað: 26. oktober 1991
Heimstaður: Vestmanna
Litir: Gular troyggjur/bláar brøkur
Vøllur: Valloyran (Sandavágur)

Søga - lyklaár

1991
Stovnað. Fyrsti formaður var Birgir Waag Høgnesen
1992 Vøllurin inni á Fjørð (Vestmanna) klárur
19?? Vinna...???

Birgir Waag Høgnesen sigur søguna um Æsir

Eg flutti úr Klaksvík, har eg var aktivur fóbóltsleikari og hjálpari hjá Klaksvíkar ìtróttarfelag. Vit allir, brøðirnir og pápi mín hvødu stóran áhuga í fótbólti. Tað var ringt at sleppa fótbóltinum tá eg í 1986 flutti til hondbóltsbygdina Vestmanna. Nøkur ár seinni - 26. oktober 1991 - kallaði eg inn til stovnandi fund av fótbóltsfelag.

Fyrsta nevndin
Birgir Waag Høgnesen, formaður. Barry Bláhamar, næstformaður, John Reid Djurhuus, kassameistari, Jákup Jóanesarsson, skrivari, og Vagnur Djurhuus, nevndarlimur.

Hvast orðað lesarabræv var í pressuni frá einum framstandandi hondbóltsspælara í VÍF, at nú fór fótbólturin at forkoma hondbóltinum í Vestmanna. Lars Nedergaard, sum seinni gjørdist venjari hjá VÍF, var av tí áskoðan, at Æsir gjørdi gott fyri hondbóltin, tí tá høvdu spælararnir fótbólt um summarið, og tí høvdu teir góða kondi, tá hondbólturin byrjaðið aftur. Trupulleikin var bara tann, at kappingarbyrjan hjá hondbóltinum og endin av kappingini í fótbólti passaði ikki so gott saman, so menn máttu velja.

Navnið Æsir
Vit bóðu nakrar málfrøðingar kom við góðum navni til felagið. Fleiri uppskot komu, men uppskotið hjá Jóannes Skaale var tað besta. Navnið var ÆSIR.

Búmerkið
Símun Olsen teknaði búmerkið hjá Æsir.

Heimavøllur
Avtala varð við SÍF, at Æsir høvdu heimavøll í Sandavági. Tá felagið hevði mest lið í kappingini, vóru tað 3. deild, 4. deild, 5. deild og dreingjadeild.

Ætlan um nýggjan vøll í Vestmanna
Eitt gott lendi til fótbóltsvøll var inni á Fjørð í Vestmanna. Avtala varð gjørd við kommununa um leigu. Tá løgtingið í 1992 samtykti, at veita stuðul til “ung í arbeiði”, fingu Æsir og Vestmanna kommuna játtan á 250.000 kr., so gyrðing kundi gerast kring vøllin inni á Fjørð. Vøllurin var tó ikki so stórur sum aðrir vøllir. Við tí í hyggju at fáa vøllin góðkendan fyrbils setti formaðurin í ÆSIR seg skriftliga í samband við danska, finska, svenska, íslendska og norska fótbóltssambandi um teirra meining um dispensatión. Øll fótbóltssambondini svaraðu, at ein vøllur, sum var 53 x 90 m vildi verið góðtikin fyribils í fýra ár í teirra londum (minsta mát er 60 x 100 m, red.). Men FSF var av aðrari áskoðan, og tí var vøllurin ongantíð góðkendur. Nakrir dystir vóru tó spældir í 5. deild á hesum vølli.

Venjarar
Ymiskir venjarar vóru. Men løntir venjarar vóru Evan Hansen í 2 ár og Finnur Helmsdal í 1 ár.

Mønustingurin
Hevði tað gingið illa við góðtøku av vøllinum, og trupulleikum við at heimavøllurin var í Vágum , so varð tað ikki betur av, at tann 21. juni 1996 sendi Fótbóltfelagið FRAM í Havn ein klagu inn til FSF um ein dyst, sum var spældur í Streymnesi, sum átti at verið spældur í Sandavági. Henda klagan gjørdi enda á felagnum Æsir, tí menn ikki orkaðu meir. Tann 4. august 1996 sendi Æsir skriv til FSF, at felagið tók 3. deildarliðið úr kappingini. Tann 9. oktober 2000 skrivaði Æsir til kommununa, at leigumálið um vøllin var uppsagt, og sostatt endaði Æsir sínar dagar.

PS
Áhugavert er, at VÍF byrjaði sum fótbóltsfelag. Eg havi avrit av einum skrivi, sum kommunan sendi til VÍF 17. mai 1940.

Hagtøl - menn

Føroyameistari: Ongantíð
Besta úrslit: Nr. 7 í 2. deild (triðbesta deildin) 1995
Steypavinnari: Ongantíð
Besta úrslit: Løgmanssteypið 2. umfar 1993

Flest dystir í Meistaradeildini - topp 20 allar tíðir
Flest mál í Meistaradeildini - topp 20 allar tíðir

Myndir: Birgir Waag Høgnesen