• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur

HB


Um felagið

Fult navn:
Havnar Bóltfelag
Stovnað: 4. oktober 1904
Heimstaður: Tórshavn
Litir: Reyð-svartar troyggjur/svartar brøkur
Vøllur: Gundadalur

Søga - lyklaár

1904
Stovnað. Fyrsti formaður var sandingurin, Mads Andrias Winther (1871-1923)
1911 Vøllurin í Gundadali gjørdur.
1955 Føroyameistari OG steypavinnari fyrstu ferð.
1976 Ovari vøllur tikin í brúk
1978 HB gevur sum fyrsta føroyska fótbóltsfelag singleplátu út
1979 HB-húsið (núverandi Bridgehúsið) verður bygt. Felagið HB-stuðlar verður stovnað
1986 Graslíki verður lagt á ovara vøll. Kvinnurnar vinna sítt fyrsta FM
1993 Fyrstu ferð í Evropa (UEFA Cup Winners' Cup). Nýtt HB-hús (núverandi)
1998 P/f Havnar Fótbóltur stovnað (avtikið aftur í 2011)
2004 Felagið fyllir 100 ár og vinnur sítt 18. FM (HB tekur metið frá KÍ).
2005 Felagið fær nýtt búmerki (núverandi)

Søgan hjá felagnum er lýst í bókunum "Havnarmenn í Gundadali" (1994), tíðarskeiðið 1904-1954, og "Koyr á HB!" (2004) tíðarskeiðið 1955-2004.

Búmerki
Marni Mortensen (Tórshavn) teknaði núverandi búmerki í 2005.
Ongin veit, nær gamla búmerkið er frá, ella hvør teknaði tað. Les meira um gamla búmerkið hjá HB í bókini "Koyr á HB!" á s. 39.

Tíðindi á in.fo 2. februar 2004
Føðingardagsmerki hjá HB
Flestum kunnugt, so stendur í Havnar Bóltfelag í ár fyri at halda 100 ára dagin fyri stovnanina, og sum vera man, so verður nógv gjørt burturúr.
Tiltøk av ymsum slag verða sjálvsagt á skránni, eins og bæði bóka- og fløguútgáva eisini verða tað.
Markeringin av hesum verður sjálvandi gjørd á ymsan hátt, men nú hevur alt hetta so fingið eitt felags eyðkenni.
HB hevur nevnliga latið gjørt eitt serligt búmerki, sum skal nýtast í samband við 100 ára haldið.Eitt búmerki, sum eisini verður at síggja á bringuni á besta mansliðnum, tá hetta fer at verja FM-heitið komandi árið.
Búmerkið hevur sjálvsagt skap av einum bólti, men hartil eru tað nógvir aðrir lutir, sum á hvør sín hátt vísa á júst HB og tað, sum felagið stendur fyri.
Reytt og svart eru eyðkendu litirnir í merkinum, og sjálvt búmerkið í miðjuni er nú Tórshamararin, fyri líka sum at vísa á, at hetta er felag úr Tórshavn.
Kring reyð/svørtu litirnar er so eisini ein gylt rond, sum við sínum 17 stjørnum ímyndar tey 17 FM-heitini í mansfótbólti hjá felagnum. Og so er spurningurin, um ein stjørna kann skoytast uppí, so hvørt sum árið líður. Tað vildu viðhaldsfólk felagsins so í øllum førum ikki havt nakað ímóti.
Tað er Repro-Z, sum í tøttum samstarvi við web-mastaran á www.hb.fo, Marna Mortensen, hevur staðið fyri designinum av nýggja búmerkinum, sum altso verður nýtt alt hetta kappingarárið

Hagtøl - menn

Føroyameistari: 23 ferðir (met)
1955, 1960, 1963, 1964, 1965, 1971, 1973, 1974, 1975, 1978, 1981, 1982, 1988, 1990, 1998, 2002, 2003, 2004, 2006, 2009, 2010, 2013, 2018.
Steypavinnari: 26 ferðir (met)
1955, 1957, 1959, 1962, 1963, 1964, 1968, 1969, 1971, 1972, 1973, 1975, 1976, 1978, 1979, 1980, 1981, 1982, 1984, 1987, 1988, 1989, 1992, 1995, 1998, 2004.
Stórsteypið: 3 ferðir
2009, 2010, 2019.
Atlantic Cup: 1 ferð
2004.

Flest dystir í Meistaradeildini - topp 20 allar tíðir
Flest mál í Meistaradeildini - topp 20 allar tíðir
Dystir í Meistaradeildini - núverandi hópur (bara leikarar sum hava staðið á dómaraseðlinum í inniverandi árið)
Mál í Meistaradeildini - núverandi hópur (bara leikarar sum hava staðið á dómaraseðlinum í inniverandi árið)