• Faroese
  • English
  • Spain
  • 07 Vestur
  • AB
  • B36
  • B68
  • B71
  • EB/Streymur
  • HB
  • FC Hoyvík
  • ÍF
  • KÍ
  • MB
  • NSÍ
  • Royn
  • Skála
  • FC Suðuroy
  • TB
  • Undrið
  • Víkingur

FC Hoyvík


Um felagið

Fult navn: Football Club Hoyvík
Stovnað: 2009 (upp til 2010 brúkti FSF stovningardagin hjá Fram)
Heimstaður: Hoyvík
Litir: Svartar troyggjur/svartar brøkur
Vøllur: Hoyvíksvøllur, áðrenn 2017: niðari vøllur í Gundadalur

Søga - lyklaár

2009
Stovnað. Fyrsti formaður var tvørámaðurin, Fróði Danielsen
2012 Felagið byrjar samstarv við FF Giza
2014 Felagið broytir navn til Giza Hoyvík
2017 Hoyvíksvøllur gjørdur (og felagið er nú alment staðsett í Hoyvík)
2019 Felagið fer aftur til upprunaliga navnið FC Hoyvík

FC Hoyvík var eitt beinleiðis framhald av Ítróttarfelagnum Fram. Nýggja navnið var eitt "statement" um, at felagið hevði ætlanir um at etablera seg í Hoyvík sum eitt felag hjá hoyvíkingum, tá kommanan einaferð fór at gera ein leingi lovaðan vøll í Hoyvíkshaganum. Nýggi vøllurin við Karlamagnusarbreyt í Hoyvík varð samtyktur í býráðnum í 2014 og skuldi vera liðugur í 2015, men vøllurin varð ikki liðugur fyrrenn í 2017.Í 2009 yvirtók FC Hoyvík øll fótbóltsrættindi hjá Fram. Felagið var tó stuttlivað, tí longu í 2012 byrjar samstarv við FF Giza, og í 2014 verður lagt saman við FC Hoyvík til nýggja felagið Giza Hoyvík við luttøkuloyvinum hjá FC Hoyvík. Í 2019 broytir felagið aftur navnið til FC Hoyvík.

Samstarvið millum FF Giza (fyrrverandi NÍF) og FC Hoyvík (fyrrverandi Fram) kom í lag í 2012, tí FC Hoyvík manglaði fólk, og FF Giza manglaði eitt stað, eftir at hava verið "húsavillir" á Argjum síðani 2005 (sum NÍF).

FC Hoyvík yvirtekur loyvið hjá FF Giza 1. januar 2014, og samstundis verður Fótbóltsfelagið Giza avtikið, meðan man kann siga, at FC Hoyvík heldur fram sum Giza Hoyvík.

Í 2019 hevði felagið framvegis einki felagshús (ella áskoðarapláss) við vøllin, skift verður í Skúlanum við Løgmannabreyt.

Búmerki 2019
Bárður Mikkelsen (Tórshavn) teknaði núverandi búmerki.

Av facebook-síðuni hjá FC Hoyvík 1. januar 2019:
22 uppskot komu inn til búmerkjakappingina, og eru vit sera glað fyri stóru luttøkuna. Vinnarin av búmerkjakappingini gjørdist Bárður Mikkelsen.
Bárður sigur so um búmerkið: Búmerkið er ein samanseting av skriftypu við tekstinum „FC Hoyvík“, og einum teknaðum emblemi/merki sum er formað við talinum 188, postnummarinum í Hoyvík.
Búmerkið er ótraditionelt, og er teknað í einum einføldum og nýmótans stíli, sum skilur seg frá øllum øðrum føroyskum fótbóltsfeløgum.
Vit í nevnduni vóru øll samd um at hetta skuldi vera nýggja búmerkið hjá FC Hoyvík.
Vit takka fyri øll innkomu uppskotini.
Myndin er av Svanhildu Lervig, forkvinnu, ið handar Bárður Mikkelsen vinningin fyri búmerkjakappingina, eina Huawei teldu stuðla av Formula.


Búmerki 2011
Hvalbingurin, Dánjal Jacobsen (búsitandi í Havn) teknaði búmerkið í 2011.

Tíðindaskriv frá FC Hoyvík 31. mars 2011:
FC Hoyvík hevur loksins fingið búmerki. Herfyri varð skipað fyri stórari kapping í samstarvi við NEMA og Tryggingarfelagið Føroyar um at gera búmerki til FC Hoyvík, og vinnari gjørdist Dánjal Jacobsen úr Havn.
Stórur áhugi hevur verið fyri kappingini, og komu nærum 100 uppskot inn.
Um vinnarauppskotið segði dómsnevdin m.a.:
Vinnandi uppskotið skaraði framúr við sínum einfeldi og við sínum litum. Búmerkið - ella vápnaskjøldurin - líkist frá øðrum føroyskum fótbóltsmerkjum, bæði í formi, innihaldi og liti. Skjaldraformurin er bastantur og bleytur í sann. Litirnir dynamiskir og heitir. í bakgrundini er tornið á Hoyvíkar kirkju diskret sett inn og gevur forminum uppdrift og spenning. Eisini er tornið eitt væl valt og sameinandi eyðkenni hjá Hoyvíkini.

Hagtøl - menn

Føroyameistari: Ongantíð
Steypavinnari: Ongantíð